როგორც მოგეხსენებათ, ჩავი ერნანდესის "ბარსელონაში" მთავარ მწვრთნელად დაბრუნება უფრო და უფრო რეალური ხდება. ამაზე საუბრობს თითქმის ყველა წამყვანი საფეხბურთო გამოცემა. ინფორმაცია დაადასტურა მაესტროს ამჟამინდელი გუნდის, "ალ სადის" შეფმაც.
ახლა კი Mundo Deportivo-მ გვამცნო, რომ დღეს ჩავისა და "ბლაუგრანას" წარმომადგენლებს შორის უკანასკნელი შეხვედრა შედგება. თუ ერნანდესი აბიდალისა და გრაუს შეთავაზებას დაუყონებლივ დასთანხმდა, ერნესტო ვალვერდეს ორშაბათსვე გაათავისუფლებენ.
იმ შემთხვევაში კი, თუ ჩავიმ უარი თქვა "ბარსას" ახლა ჩაბარებაზე, ბასკი სპეციალისტი თანამდებობას სეზონის ბოლომდე შეინარჩუნებს.
