მოგეხსენებათ, კორონავირუსის პანდემიის გამო, საფეხბურთო სეზონი შეჩერებულია და რთულია იმის ვარაუდი, როდის გაგრძელდება ის. 

ეპიდემიოლოგები სიტუაციას მუდმივად აფასებენ და მდგომარეობის გამოსწორების შესაძლებლობებს აფასებენ. მათ პროგნოზები, რა თქმა უნდა, სპორტის გულშემატკივრებისთვისაც მეტად მნიშვნელოვანია.

ცოტა ხნის წინ VEJA-მ გაავრცელა ინფორმაცია, რომლსი მიხედვითაც, ჯანდაცვის მსოფლიო ორგანიზაციისა და უეფას ვიდეოკონფერენციაზე, WHO-მ (ორგანიზაციის აბრევიატურა) უეფას რეკომენდაცია გაუწია, რომ ყველა საფეხბურთო ღონისძიება 2021 წლამდე(!) შეჩერდეს.

მოვლენების ასე განვითარება საფეხბურთო სამყაროს უდიდეს ფინანსურ ზიანს მიაყენებს. ცალკე საკითხია, რა დარტყმას მიიღებენ გულშემატკივრები. თავად შეაფასეთ, რა შანსებია, საქმე სწორედ ასე წავიდეს.