"ბარსელონა" ბოლო წლებში იქცა გუნდად, რომლის სატრანსფერო პოლიტიკაც მუდმივად ქილიკის საგანი ხდება.
"ლურჯ-ბროწეულისფერებს" უხვად განუხორციელებიათ უცნაური ტრანსფერები, თუმცა უკანასკნელ პერიოდში "ბლაუგრანამ" უცნაური შეთანხმებებს დადებაც დაიწყო.
ამასთან დაკავშირებით Mundo Deportivo-მ გაგვახსენა გარიგება, რომელიც "ბარსას" მადრიდის "ატლეტიკოსთან" აკავშირებს.
რამდენიმე თვის წინ კატალონიელებმა "როხიბლანკოს" 15 მილიონი ევრო გადაუხადეს და სანაცვლოდ "ინდიელთა" 6 ფეხბურთელზე სატრანსფერო პრივილიგიები მიიღეს.
თუ ოდესმე "ატლე" ამ 6 მოთამაშიდან რომელიმეს გაყიდვას გადაწყვეტს და "ასულგრანა" მისით დაინტერესდება, კლუბს უდიდესი უპირატესობა მიეცემა.
საინტერესოა, რომ ამ ექვსეულში შედის საულ ნიგეზიც, ვისაც უკვე წლებია "ბარსას" უკავშირებენ. მიუხედავად ამისა, MD-ის ცნობით, ესპანელის ტრანსფერი ამჟამად არ განიხილება.
