ბოლო დღეებში აქტიურად საუბრობენ იმაზე, რომ ახალგაზრდა ცენტრალური მცველი, ჟან კლერ ტოდიბო იქნება პირველი ფეხბურთელი, ვინც ზაფხულში "ბარსელონას" დატოვებს.
ფრანგი ამჟამად "შალკეშია" განათხოვრებული, თუმცა უდიდესი ალბათობით, გელზენკირხენელები მას ვერ გამოისყიდიან.
ამასთან დაკავშირებით Sport იტყობინება, რომ "ბლაუგრანას" მერსესაიდული "ევერტონი" დაუკავშირდა.
წყაროს თანახმად, "კანფეტებმა" "ბარსას" ტოდიბოში 22 (+3 მილიონი ბონუსები) მილიონი ევრო შესთავაზეს. საინტერესოა, რომ "ევერტონმა" კატალონიელებს სწრაფი პასუხი მოსთხოვა, სხვა შემთხვევაში წინადადება გაუქმდება.
შეგახსენებთ, რომ ჟან-კლერს ასევე უკავშირებენ მილანის "ინტერსა" და ტურინის "იუვენტუსს".
