ბრაზილიელმა სუპერვარსკვლავმა კამერებთან კარიერის საუკეთესო მატჩზე ისაუბრა. როგორც აღმოჩნდა, ნეიმარისთვის ყველაზე დასამახსოვრებელი და ამაღელვებელი მომენტები "ბარსელონაში" გატარებულ პერიოდს უკავშირდება.

" საუკეთესო მომენტი, ჩემი საფეხბურთო კარიერის განმავლობაში? ჩემპიონთა ლიგის 2016/17 წლების სეზონზე, 1/8 ფინალში, "პსჟ" - ის წინააღმდეგ. არასდროს მიგრძვნია თავი ისე ბედნიერად, როგორც მაშინ, ჩვენს მიერ გატანილ მე-6 გოლზე. ეს მართლაც დაუჯერებელი და გასაოცარი იყო.

საუკეთესო მოგონება გასახდელში? ისევ და ისევ, ჩემპიონთა ლიგაზე, "პსჟ" - ის წინააღმდეგ, ამ მატჩის შემდეგ, გასახდელ ოთახში საოცარი ატმოსფერო სუფევდა, ყველა ძალიან ბედნიერი იყო. ვფიქრობ, რომ ეს გრძნობა ყველა იქ მყოფთათვის საუკეთესო და დასამახსოვრებელი აღმოჩნდა" - განაცხადა ნეიმარმა

შეგახსენებთ, რომ 2017 წელს ნეიმარმა "ბარსელონა" დატოვა და "პარი სენ ჟერმენში" გადაბარგდა. დღეს დღეობით კი ბრაზილიელ ფეხბურთელს აქტიურად უკავშირებენ "ბარსელონას".шаблоны для dle 11.2