logo

5 ფეხბურთელი, რომელსაც მესისა და მარადონას გვერდით უთამაშია

5 ფეხბურთელი, რომელსაც მესისა და მარადონას გვერდით უთამაშია

გულშემატკივართა უმეტეს ნაწილს ისტორაიში საუკეთესო ფეხბურთელზე დისკუსიისას პირველ რიგში ორი არგენტინელი გენიოსი - ლიონელ მესი და დიეგო მარადონა - ახსენდებათ. ამ საკითხის განხილვა მუდმივად მიმდინარეობს, მოთამაშეებს ერთმანეთთან მიღწევებითა და ინდივიდუალურობით ადარებენ, თუმცა ყველაზე კარგად ამის შესახებ იმ ფეხბურთელებმა უწყიან, რომელთაც ორივეს გვერდით უთამაშიათ. ასეთები კი სულ თითზე ჩამოსათვლელები არიან. 

ახლა სწორედ იმ 5 ფეხბურთელს შემოგთავაზებთ, რომლებსაც ბურთი როგორც მესის, ისე მარადონას გვერდით ასპარეზობის პატივი ჰქონიათ.

კრისტიან "კილი" გონსალესი

კილი გონსალესი 1995 წლის ზამთარში "ბოკა ხუნიორსში" გადავიდა, სწორედ მას შემდეგ, რაც მას დიეგო მარადონამ დაურეკა. კილი "რეალში" გადასვლასთან ახლოს იყო, თუმცა დიეგომ აზრი შეაცვლევინა. მან იქ ორი წელი დაჰყო. 

"ლა პულგას" გვერდით კი კილიმ ერთადერთხელ იასპარეზა. 2005 წელს, მსოფლიო ჩემპიონატის შესარჩევ ეტაპზე, "პერუს" წინააღმდეგ ორივე მათგანი მოედანზე იყო. საბოლოოდ, ის მატჩი არგენტინამ 1-0 მოიგო.

ხუან სებასტიან ვერონი

ვერონმა და მარადონამ ერთად "ბოკა ხუნიორსში" 1996 წელს ითამაშეს, თუმცა ხუან სებასტიანმა გუნდი მალე დატოვა და "სამპდორიაში" გადავიდა.

მესის გვერდით კი ვერონმა 2007 წლის კოპა ამერიკასა და 2010 წლის მუნდიალზე ითამაშა. სწორედ ამ ტურნირის შემდეგ მან სანაკრებო კარიერაც დაასრულა.

მარტინ პალერმო

"ბოკა ხუნიორსის" ისტორაიში საუკეთესო ბომბარდირი მარადონასთან ერთად 1997 წელს თამაშობდა. მათ 1997 წლის სტარტზე რამდენიმე შეხვედრა ჩაატარეს.

2009 წელს უკვე 35 წლის პალერმო არგენტინის ნაკრებში გამოიძახეს. ის "ალბისელესტეს" მსოფლიო ჩემპიონატის შესარჩევ ეტაპზე დაეხმარა. აღსანიშნავია, რომ ამ დროს არგენტინის ნაკრებს მარადონა წვრთნიდა.

ხუან რომან რიკელმე

"ბოკას" ისტორიაში ორი საუკეთესო ათი ნომერი 1996 წელს, კარლოს ბილარდოს მწვრთნელობის პერიოდში, ერთად თამაშობდა. მათ ერთად მხოლოდ 2 შეხვედრის ჩატარება მოახერხეს. 

"ლა პუკგას" გვერდით კი რიკელმემ 2005-08 წლებში თამაშობდა. მათ მაისურები ერთად კოპა ამერიკაზე, მსოფლიო ჩემპიონატის შესარჩევ ეტაპზე, მუნდიალსა და ოლიმპიადაზე მოირგეს. ამ უკანასკნელში მათ ოქროს მედლებიც კი მოიპოვეს.

აღსანიშნავია, რომ ორივეს - რიკელმესა და მესის - დაბადების დღე 24 ივნისს აქვთ. რიკელმე ლეოზე ზუსტად 9 წლით დიდია.

რობერტო "პატო" აბონდანზიერი

1996 წელს "ბოკა ხუნიორსი" ნავარო მონტოიას შემცვლელს ეძებდა და სწორედ პატო შეარჩია. ის გუნდში 1997 წლის დასაწყისში გადავიდა და მარადონას გვერდით სამი შეხვედრა ჩაატარა.

ლეოს გვერდით კი პატო 2004-08 წლებში ასპარეზობდა და ერთად არაერთი შეხვედრა ჩაატარეს, მათ შორის, 2007 წლის კოპა ამერიკას ფინალი, სადაც ბრაზილიასთან 3-0 დამარცხდნენ. 


1 დღის წინ
222 / 0
სესე გოგიაშვილი
poll გამოკითხვა

რას ფიქრობთ, განვითარდება თუ არა "ბარსელონა" სეტიენის ხელში?

კი
არა
შესაძლებელია
სულ პასუხები: 1008
loss დანაკლისი
injury

ტრავმები

სუარესი, დემბელე

red_yellow

ყვითელი & წითელი ბარათი

არავინ