"ბარსელონას" ყოფილი თავდამსხმელი, მალკომი ფეხბურთს გუშინ დაუბრუნდა.

სამთვიანი პაუზის შემდეგ, რუსეთის პრემიერლიგა ისტორიული დაპირისპირებით განახლდა - მოსკოვის "ცსკა" სანქტ-პეტერბურგის "ზენიტის" წინააღმდეგ.

ბრაზილიელმა შემტევმა დუბლი შეასრულა და დედაქალაქური გუნდის "ზენიტის" მიერ განადგურებაში (0:4) უდიდესი წვლილი შეიტანა.

მიუხედავად იმისა, რომ სტადიონის ტრიბუნების მხოლოდ 10% გახლდათ სავსე (პანდემიის საწინააღდეგო რეგულაციებიდან) გამომდინარე, ეს მაინც საკმარისი გამოდგა, რათა რუს ქომაგებს რასიზმი გამოევლინათ.

23 წლის თავდამსხმელის გოლების ეპიზოდში "ცსკას" ფანები მაიმუნის ხმებს გამოსცემდნენ.

Sport Express-ის თანახმად, მალკომს მათთვის პასუხის გაცემა სურდა, მაგრამ ის თანაგუნდელებმა დაამშვიდეს.

შეგახსენებთ, რომ ახალგაზრდა "ბლაუგრანამ" სანქტ-პეტერბურგულ გუნდს 2019 წლის ზაფხულში, 40 მილიონ ევროდ მიყიდა. აგვისტოში მან უმძიმესი ტრავმა მიიღო და სეზონის პირველი ნახევარი გამოტოვა.

მიუხედავად ამისა, "ზენიტს" მალკომი უკვე 4 გოლით შეეწია.