"ბარსელონა" რობერტო ფირმინოს შეუთანხმდა და ბრაზილიელ თავდამსხმელს ზაფხულში თავისუფალი აგენტის სტატუსით დაიმატებს. აღნიშნულ ინფორმაციას Daily Mail ავრცელებს.

ბრიტანულ ტაბლოიდს ეს ცნობა ფეხბურთელთან დაახლოებულმა წყარომ მიაწოდა.

ბობის "კამპ ნოუზე" გადაბარგების ამბავს ჯერ არ ადასტურებენ ესპანურ პრესაში. Diario AS-ის ხავი მიგელი წერს, რომ მხარეებს შორის შეთანხმება ჯერ არ შემდგარა.

ასეა თუ ისე, 31 წლის თავდამსხმელს რომ კატალონიური გრანდი ერთ-ერთ ვარიანტად განიხილავს, ამაზე დარწმუნებით საუბარი ნამდვილად შეიძლება.

ფირმინომ "ლივერპულის" ღირსება მიმდინარე სეზონის 31 მატჩში დაიცვა. მან თავი 11 გოლითა და 15 საგოლე გადაცემით გამოიჩინა.