ჯამალ მუსიალა მაქსიმუმს აკეთებს, რომ "ბარსელონასთან" მატჩში მონაწილეობა შეძლოს, - იუწყება Sky Sport Germany.

მიუნხენის "ბაიერნის" ვარსკვლავმა "შტუტგარტთან" შეხვედრა თეძოს არეში არსებული ტკივილის გამო გამოტოვა. მიუხედავად ამისა, მას "ლურჯ-ბროწეულისფერთა" წინააღმდეგ თამაში ძალიან უნდა.

წყაროს თანახმად, პროცესი კარგად მიმდინარეობს. 

მუსიალა ახლოსაა "რეკორდმაისტერთან" კონტრაქტის 2029 ან 2030 წლამდე გახანგრძლივებასაც. შესაბამისად, ჯამალი "ბლაუგრანასთან" ჯახს შესანიშნავ განწყობაზე ხვდება.

შეგახსენებთ, რომ "ბარსა" და "ბაიერნი" ერთმანეთს ჩემპიონთა ლიგის ფაზის ეგიდით, ხვალ, თბილისის დროით 23 საათიდან შეერკინებიან.