"ბარსელონას" პაბლო ტორეს იანვარში განათხოვრება სურს, - იუწყება El Periodico Mediterraneo.

"ბლაუგრანაში" სჯერათ, რომ ახალგაზრდა ნახევარმცველისთვის სეზონის მეორე ნაწილის ლა ლიგის კლუბში გატარება და სათამაშო პრაქტიკის გაზრდა ძალიან სასარგებლო იქნება.

ტორეს სამომავლო ნავსაყუდლად "ვილიარეალი" სახელდება.

კიკე სეტიენის გუნდს პაბლოს დამატება ძალიან უნდა.

19 წლის ფეხბურთელით სხვა ესპანური გუნდებიც ინტერესდებიან, თუმცა "ყვითელი წყალქვეშა ნავი" ფავორიტია.

მიმდინარე სეზონში ტორემ 4 მატჩში მიიღო მონაწილეობა და 1 გოლი გაიტანა.