მას შემდეგ, რაც "კამპ ნოუს" ტრიბუნები ფრანკფურტის "აინტრახტის" გულშემატკივრებმა გადაათეთრეს, მატჩებზე სტუმარი გუნდის ქომაგთა დასწრებას "ბარსელონა" ძალიან მკაცრად აკონტროლებს.

ამ მკაცრი კონტროლის კიდევ ერთ მაგალითზე ესპანური გამოცემა Diario AS წერს.

წყაროს თანახმად, "ბარსელონა" მომავალი კატალონიური დერბის ბილეთებს "ესპანიოლის" ფანებზე არ გაყიდის.

გარდა ამისა, ქომაგები, რომლებიც სტადიონზე "ესპანიოლის" სიმბოლიკის მქონე კაშნეეებით, დროშებით ან მაისურებით მოვლენ, მატჩზე არ დაიშვებიან.

სხვათა შორის, მსგავსი წესი "თუთიყუშების" სტადიონზე "ბარსას" წინააღმდეგ ჯერ კიდევ 2008 წლიდან მოქმედებს.

შეგახსენებთ, რომ კატალონიური დერბი 31 დეკემბერს გაიმართება. ეს იქნება "ბლაუგრანას" პირველი მატჩი მსოფლიო ჩემპიონატის პაუზის შემდეგ.