"ბარსელონა" იანვარში ფეხბურთელის გაყიდვას არ აპირებს, - იუწყება Mundo Deportivo-ს ჟურნალისიტ, ფერან მარტინესი. 

წყაროს თანახმად, "ბლაუგრანას" მთავარი მწვრთნელიც და ტექნიკური დირექტორიც მიიჩნევენ, რომ გუნდის შემადგენლობა, რომელშიც პირველი გუნდის 19 ფეხბურთელი, ფერმინ ლოპესი და ლამინ იამალი შედიან, ისედაც საკმაოდ მცირეა.

აქედან გამომდინარე, ზამთარში ვინმეს გაშვება ჩავის ინტერესებს მხოლოდ და მხოლოდ დააზიანებს.

როგორც ირკვევა, ერთადერთი გამონაკლისი, რაც კლუბმა შეიძლება დაუშვას, იმ შემთხვევაში გვექნება, თუ რომელიმე მოთამაშით საუდის არაბეთიდან დაინტერესდებიან და ხელმძღვანელობას სარფიანი შეთავაზებით მიმართავენ.

ცნობისთვის, საუდის არაბულ კლუბებს მარკოს ალონსოს უკავშირებენ ხოლმე.