"ბარსელონა" იანვარში კიდევ ერთ ეკონომიკურ ბერკეტს გააქტიურებს, რათა დანი ოლმო დაარეგისტრიროს, - იუწყება SPORT.

კატალონიური გრანდი ახლა მოლაპარაკებებს სტადიონის VIP ადგილებზე უფლებების 20 წლით გაყიდვაზე აწარმოებს. "სპოტიფაი კამპ ნოუს" VIP ადგილების გაყიდვით "ბლაუგრანა" 200 მილიონი ევროს მიღებას ელოდება.

მადრიდის "რეალსა" და სხვა ევროპულ გრანდებს მსგავსი რამ უკვე გაკეთებული აქვთ.

"ლურჯ-ბროწეულისფრებს" ოლმოს ლა ლიგაში დასარეგისტრირებლად დრო 18 იანვრამდე აქვთ.

აღსანიშნავია, რომ მიუხედავად დანის ლა ლიგაში რეგისტრაციის 31 დეკემბრამდე მოქმედებისა, იგი ესპანეთის სუპერთასისა და კოპა დელ რეის იანვარში გასამართ მატჩებში უპრობლემოდ მიიღებს მონაწილეობას.

მიმდინარე სეზონში 26 წლის ნახევარმცველის მონაგარი 6 გოლია.