როგორც მოგეხსენებათ, "ბარსელონას" ხელმძღვანელობა აგრძელებს მუშაობას ლიონელ მესის "ბლაუგრანაში" დაბრუნებაზე.

SPORT-ის ინფორმაციით, "ლურჯ-ბროწეულისფრებმა" ჩაატარეს ფინანსური ანალიზი იმ გავლენისა, რომელიც არგენტინელი მეგავარსკვლავის კვლავ "ბლაუგრანაში" თამაშს ექნება.

მიღებულმა შედეგმა კატალონიური გრანდის ხელმძღვანელობის წევრებიც კი გააოცა.

წყაროს თანახმად, "ბარსაში" დათვალეს, რომ მესის დაბრუნება კლუბს ყოველწლიურად 230 მილიონ ევროს მოუტანს.

"ბლაუგრანაში" უკვე ხელებს იფშვნეტენ იმის წარმოდგენისას, რა ეკონომიკურ და სპორტულ წინსვლას გამოიწვევს მესის ისევ "კამპ ნოუზე" ყოფნა.

შეგახსენებთ, რომ ლიონელი ზაფხულში თავისუფალი აგენტი ხდება. მიმდინარე სეზონში ის "პარი სენ-ჟერმენს" 20 გოლითა და 19 საგოლე გადაცემით დაეხმარა.