"ბარსელონას" პრიორიტეტული ამოცანა დაცვითი ტიპის ნახევარმცველის შეძენაა, - იუწყება Mundo Deportivo.

ჩავი ერნანდესს მსოფლიო დონის ფეხბურთელის დამატება სურს. კატალონიური გამოცემის ინფორმაციით, მთავარი კანდიდატები იოზუა კიმიხი (ბაიერნი) და მარტინ ზუბიმენდი (რეალ სოსიედადი) არიან.

კიმიხის ტრანსფერის განხორციელება ძალიან რთულად მიიჩნევა, რადგან "რეკორდმაისტერს" 28 წლის ვარსკვლავის გაშვება არ უნდა.

"ბარსელონაში" ისიც იციან, რომ ლევანდოვსკისგან განსხვავებით, იოზუა წასვლის უფლების მიცემას არ მოითხოვს. ის, რაც რობერტმა 2022 წლის ზაფხულში გააკეთა, გერმანელისგან გამორიცხულია.

ცნობისთვის, მიმდინარე სეზონში ჩატარებულ 46 მატჩში კიმიხმა თავი 7 გოლითა და 11 ასისტით გამოიჩინა.

Transfermarkt-ი იოზუას 80 მილიონ ევროდ აფასებს.