რამდენიმე დღის წინ გავრცელდა ინფორმაცია, რომ "ბარსელონას" პრეზიდენტობის კანდიდატის, ჟოან ლაპორტას ერთ-ერთ მთავარ სამიზნეს, არჩევნებში გამარჯვების შემთხვევაში, დორტმუნდის "ბორუსიადან" ერლინგ ჰოლანდის შეძენა წარმოადგენს.

დღეს კი Mundo Deportivo-მ გვამცნო, რომ ნორვეგიელი სუპერფორვარდის აგენტს, მინო რაიოლას "ბარსას" პრეზიდენტობის ერთბაშად 3 კანდიდატი დაუკავშირდა.

წყაროს თანახმად, გავლენიანმა იტალიელმა სამივე მათგანს უთხრა, რომ "ბლაუგრანას", ჰოლანდის ტრანსფერის შემთხვევაში, გერმანულ გრანდს 70 მილიონი ევრო უნდა გადაუხადოს, ხოლო თავად რაიოლას - 20 მილიონი ევრო.

გარდა ამისა, გარკვეული თანხა უნდა მიიღოს ერლინგის მამაც.

შეგახსენებთ, რომ ნორვეგიელით დაინტერესებულია მადრიდის "რეალიც".