"ბარსელონას" თავდამსხმელით, ფერან ტორესით "ნიუკასლ იუნაიტედი" დაინტერესდა.

"სენტ ჯეიმს პარკის" ბინადრები "ბლაუგრანასთან" მოლაპარაკებებს აწარმოებენ. 23 წლის შემტევში ისინი 35 მილიონ ევროს იხდიან.

"ჯორდები" პრემიერ ლიგის სატურნირო ცხრილში მე-4 პოზიციას იკავებენ. მათ ჩემპიონთა ლიგის მომდევნო გათამაშებაში მონაწილეობა გარანტირებული აქვთ.

რაც შეეხება ფერანს, მოარული ხმების მიხედვით, "ბარსელონა" ესპანელ ფორვარდს მხოლოდ იმ შემთხვევაში შეელევა, თუ "ატლეტიკო პარანაენსედან" ვიტორ როკეს წაყვანას შეძლებს.

მიმდინარე სეზონში ტორესმა თავი 7 გოლითა და 3 ასისტით გამოიჩინა.