"ბარსელონას" მარცხენა მცველს, ალეხანდრო ბალდეს "მალიორკასთან" მატჩის ნაადრევად დატოვება მოუწია.

19 წლის ფლანგელი მოედნიდან ტრავმის გამო გაიყვანეს, რომელიც მას ამატ ნდიაიემ მიაყენა. ნდიაიეს ქმედება იმდენად უხეში გახლდათ, რომ იგი წითელი ბარათით დაისაჯა.

"ლურჯ-ბროწეულისფერთა" ამომავალმა ვარსკვლავმა მარჯვენა ფეხის კოჭი დაიზიანა. კლუბმა ეს უკვე დაადასტურა.

ოფიციალური განცხადებიდან ვიგებთ, რომ ბალდეს 6-7 კვირით მოუწევს უქმობა.

მაშასადამე, ერთა ლიგის ივნისში გასამართ შეხვედრებში ალეხანდრო მონაწილეობას ვერ მიიღებს.

შეგახსენებთ, რომ მიმდინარე სეზონში ბალდემ 43 მატჩი ჩაატარა, გაიტანა 1 გოლი და გააკეთა 7 საგოლე გადაცემა.