Diario Sport-ის ინფორმაციით, "ბარსელონამ" "მილანის" პორტუგალიელი შემტევის, რაფაელ ლეაუსადმი ინტერესი გამოხატა.

"ბლაუგრანას" პრეზიდენტმა ჟოან ლაპორტამ "როსონერის" წარმომადგენლებს თავად ჰკითხა ლეაუს შესახებ.

კატალონიური გრანდის მმართველს სურს, გუნდში კიდევ ერთი მაღალი დონის შემტევი მოიყვანოს, რომელიც რობერტ ლევანდოვსკის ჯეროვან დახმარებას გაუწევს.

რაფა ამისთვის შესაბამის ვარიანტად ჩანს, რადგან მიმდინარე სეზონში 29 გოლში აქვს პირდაპირი მონაწილეობა მიღებული.

მიუხედავად ამისა, 23 წლის ფეხბურთელის "ბლაუგრანაში" გადაბარგების შანსი მაინც მიზერულად უნდა მივიჩნიოთ.

ბოლო ცნობების მიხედვით, ლეაუ "მილანთან" ახალ კონტრაქტს გააფორმებს.