1 წლის და 2 თვის წინ
ანსუ ფატი მნიშვნელოვან მაჩვენებელს აფიქსირებს
ანსუ ფატი მნიშვნელოვან მაჩვენებელს აფიქსირებს

"ბარსელონას" ესპანელი თავდამსხმელი ანსუ ფატი ერთ მეტად მნიშვნელოვან მაჩვენებელს აფიქსირებს.

საქმე იმაში მდგომარეობს, რომ ფატი "ბლაუგრანას" ერთადერთი ფეხბურთელია, რომელსაც მიმდინარე სეზონის ყველა მატჩში აქვს მონაწილეობა მიღებული.

თუ გავითვალისწინებთ 20 წლის შემტევის ტრავმიან წარსულს, ეს ფაქტი კიდევ უფრო აღსანიშნად მოგვეჩვენება.

შეგახსენებთ, რომ "ბარსას" ათიანმა თავი "სეუტას" წინააღმდეგ გუშინ გამართულ მატჩში გოლით გამოიჩინა.

2022/2023 წლების სეზონში ანსუმანემ 26 მატჩი ჩაატარა, გაიტანა 6 გოლი და გააკეთა 3 საგოლე გადაცემა.

თავისი სტატისტიკის გაუმჯობესების კარგი შანსი ესპანელს კვირას, "ხეტაფესთან" მატჩში მიეცემა, რადგან ჩავიმ დაადასტურა, რომ ფატი ამ შეხვედრას სასტარტო შემადგენლობიდან დაიწყებს.


Facebook კომენტარები