ესპანური SPORT ირწმუნება, რომ "ბარსელონამ" თავისი ახალგაზრდა ნახევარმცველის, პაბლო ტორესთვის ახალი გუნდის მოძებნა დაიწყო.

"ლურჯ-ბროწეულისფერთ" პაბლოს პოტენციალის სჯერათ, თუმცა მის განათხოვრებას აპირებენ, რათა 20 წლის ესპანელმა საკუთარი უნარები მაქსიმალურად წარმოაჩინოს.

კლუბში ფიქრობენ, რომ ტორესთვის საუკეთესო ვარიანტი ლა ლიგის გუნდი იქნებოდა.

გადაწყვეტილება თავად პაბლოსთანაც შეთანხმებულია.

თუ Diario AS-ის ჟურნალისტ ხავი მიგელს დავუჯერებთ, ტორეს გადაბირების საუკეთესო შანსი "ვილიარეალს" აქვს. "ყვითელი წყალქვეშა ნავი" ახალგაზრდას ერთწლიანი იჯარით დაიმატებს, მაგრამ მის გამოსყიდვის უფლებას ვერ მიიღებს.

შეგახსენებთ, რომ "ბარსას" ახალწვეულმა ძირითადი გუნდის მაისური 12 მატჩში მოირგო. მან 1 გოლი და 1 ასისტი მიითვალა.