როგორც იცით, ჟორდი ალბამ "ბარსელონაში" თავისთვის უკანასკნელი მატჩი უკვე ჩაატარა. შემდეგი სეზონიდან ესპანელი ფლანგელი სხვა გუნდის ღირსებას დაიცავს.

ჯერ არ არის ცნობილი, თუ სად გააგრძელებს ჟორდი კარიერას, მაგრამ ალფრედ მარტინესის მიერ გავრცელებული ცნობებიდან გარკვეული დასკვნის გამოტანა მაინც შეიძლება.

სანდო ჟურნალისტის ინფორმაციით, 34 წლის მარცხენა მცველს მშობლიურ გარემოში სურს თამაში. ჟორდის უნდა, რომ სახლთან ახლოს იყოს.

აქედან გამომდინარე, მადრიდის "ატლეტიკო", რომელსაც ალბა ადრეც დაუკავშირეს, რეალური ვარიანტია.

მიუხედავად ამისა, მარტინესი აღნიშნავს, რომ საუდის არაბეთიდან სარფიანი შეთავაზების მიღებამ ჟორდის შეიძლება აზრი შეაცვლევინოს.

მიმდინარე სეზონში ალბამ 2 გოლი და 6 ასისტი მიითვალა.