ჟორჟე მენდეში "ბარსელონას" კიდევ ერთი ნახევარმცველის დამატებისკენ უბიძგებს, - იტყობინება SPORT.

წყაროს თანახმად, პორტუგალიელი აგენტი მიიჩნევს, რომ ლისაბონის "სპორტინგის" შუახაზელი, მანუელ უგარტე კატალონიელთათვის იდეალური შენაძენი იქნებოდა.

მენდეში "ბლაუგრანას" ხელმძღვანელობას უგარტესთვის გაჩაღებულ ბრძოლაში ჩაბმას ურჩევს.

ახალგაზრდა ურუგვაელის გამოსასყიდი თანხა 60 მილიონ ევროს შეადგენს.

მანუელით ლონდონის "ჩელსი" და "პარი სენ-ჟერმენი" არიან დაინტერესებულნი.

მიმდინარე სეზონში 22 წლის საყრდნემა 47 მატჩში მიიღო მონაწილეობა. "ლომებს" იგი 1 საგოლე გადაცემით დაეხმარა.

აქვე შეგახსენებთ, რომ მენდეში ასევე მუშაობს "ბარსაში" "ვულვზის" პორტუგალიელი ნახევარმცველის, რუბენ ნევეშის გადაბარგებაზეც.