ლიონელ მესიმ "პარი სენ-ჟერმენში" გუშინ ბოლოჯერ ითამაშა. უკვე ოფიციალურადაა დადასტურებული, რომ არგენტინელი მეგავარსკვლავი გუნდიდან თავისუფალი აგენტის სტატუსით მიდის.

მესისთან ერთად, "პსჟ-ს" ტოვებს "ლა პულგას" უამრავი პერსოფანიც. ამაზე ყველაზე კარგად სოციალურ ქსელებში ფრანგული კლუბის გვერდებზე დაკვირვებით ვხვდებით.

სანამ მესის წასვლის დამადასტურებელი განცხადება გამოქვეყნდებოდა, "პარი სენ-ჟერმენს" ინსტაგრამზე 70,4 მილიონი გამომწერი ჰყავდა. 24 საათზე ოდნავ მეტ დროში ეს რიცხვი გვარიანად შემცირდა. ამ მომენტისთვის, "პსჟ-ს" ანგარიშს 69.1 მილიონი გამომწერი ჰყავს.