Diario AS-ის ინფორმაციით, აბდე ეზალზული "რეალ ბეტისის" პრიორიტეტული სამიზნეა.

მიუხედავად ამისა, სევილიურ კლუბს მაროკოელი გარემარბის იჯარით დამატება სურს და მის ყიდვაზე არაა ორიენტირებული.

ეს "ბარსელონას" გეგმებთან წინააღმდეგობაში მოდის. კატალონიელები იმედოვნებენ, რომ 21 წლის ფლანგელში სულ მცირე 25 მილიონი ევროს გამომუშავებას მოახერხებენ.

თუ "ბარსა" მსგავს შეთავაზებას ვერ მიიღებს, არსებობს შანსი, აბდე "ლურჯ-ბროწეულისფრებმა" შეინარჩუნონ.

ახალგაზრდა შემტევმა გასული სეზონი იჯარით "ოსასუნაში" გაატარა. პამპლონურ გუნდში ჩატარებულ 34 მატჩში მან 8 გოლში მიიღო პირდაპირი მონაწილეობა.