ჟერარ რომერო, რომელიც ერთ-ერთი პირველი გახლდათ ლიონელ მესის "ბარსელონაში" დაბრუნებაზე ცნობების მოწოდებაში, ახლა თითქმის დარწმუნებულია, რომ "ლა პულგა" მშობლიურ გუნდს ვეღარ შეუერთდება.

"მესის დაბრუნების შანსი ძალიან მცირეა. ყველაფერი "ინტერ მაიამისკენ" მიუთითებს," - თქვა რომერომ.

ჟერარის თქმით, ფლორიდული კლუბიდან გამომავალი წყაროები ადასტურებენ, რომ ლეოსთან ძალიან ახლოს არიან.

როგორც ჩანს, მესის გარემოცვას "ბლაუგრანას" გარანტიებისა არ სჯერა.

სხვათა შორის, რომერო იმასაც გვაუწყებს, რომ თუ ხორხე მესის მიერ ორიოდე დღის წინ გაკეთებული განცხადება მართალი იყო, ოქროს ბურთის შვიდგზის მფლობელმა გადაწყვეტილება დღეს უნდა გამოაცხადოს.