მას შემდეგ, რაც ლეო მესის "ინტერ მაიამიში" ტრანსფერი ოფიციალურად დადასტურდა, ნეიმარ ჟუნიორის კატალონიის "ბარსელონაში" დაბრუნებზე საუბრები კვლავ განახლდა.

იწერებოდა, რომ თავად ბრაზილიელის სურვილი კვლავ ლურჯ-ბროწეულისფერი მაისურის მორგება და კარიერის "ბლაუგრანაში" გაგრძელება იყო.

ამასთან დაკავშირებით კომენტარი კატალონიელთა თავკაცმა, ჩავი ერნანდესმა გააკეთა.

"ნეიამრი ჩვენს სატრანსფერო გეგმებში არ შედის. მას უდიდეს პატივს ვცემ, თუმცა ის ჩვენთვის პრიორიტეტი არ არის", - თქვა ესპანელმა.

როგორც ჩანს, ნაკლებად სავარაუდოა, რომ "ბარსელონამ" მიმდინარე ზაფხულის სატრანსფერო ფანჯარაზე ბრაზილიელი შემტევის დაბრუნებისთვის გაიბრძოლოს.