ჩავი ერნანდესი და მატეუ ალემანი სოფიან ამრაბატის თაობაზე შეთანხმდნენ, - იუწყება სერხი კაპდევილა.

SPORT-ის ჟურნალისტის ინფორმაციით, მაროკოელი ნახევარმცველი უკვე ესაუბრა "ბარსელონას" მთავარ მწვრთნელს.

"ლურჯ-ბროწეულისფერთა" სასურველ საყრდენთა სიაში სოფიანმა მოწინავე პოზიციაზე გადაინაცვლა. "ფიორენტინას" ცენტრალური ნახევარმცველი ახლა "რეალ სოსიედადის" ნიჭიერ ესპანელზე, მარტინ ზუბიმენდიზე წინ დგას.

უდიდესი ალბათობით, "ბლაუგრანა" მალე განაახლებს მოლაპარაკებებს "იებთან".

შეგახსენებთ, რომ ამრაბატის დამატება კატალონიურ გრანდს იანვრის სატრანსფერო ფანჯარაზეც სურდა, თუმცა ტრანსფერი მაშინ ტოსკანელთა ფინანსური მოთხოვნების გამო ჩაიშალა.