"ბარსელონას" ხელმძღვანელობა ჩავი ერნანდესთან ახალ კონტრაქტზე აწარმოებს მოლაპარაკებებს.

თითქმის გადაწყვეტილია, რომ "მაესტრო" კლუბთან 3-წლიან ხელშეკრულებას გააფორმებს.

RAC1-ის ინფორმაციით, ჩავის დაუბეგრავი ანაზღაურება 8 მილიონ ევრომდე გაიზრდება, მისი შტაბის წევრების ჯამური ხელფასი კი - 4 მილიონ ევრომდე.

შედარებისთვის, 43 წლის სპეციალისტის დაუბეგრავი ხელფასი ახლა 4 მილიონი ევროა. რაც შეეხება ასისტენტებს, მათზე ბიუჯეტიდან 1.5 მილიონი ევრო იხარჯება.

შეგახსენებთ, რომ ჩავიმ "ბარსელონა" 2021 წლის ნოემბერში ჩაიბარა. კატალონიურ გრანდს მან ესპანეთის სუპერთასი და ლა ლიგა მოაგებინა.