ლისაბონის "სპორტინგს" "ბარსელონადან" 23 წლის თავდამსხმელის, ფრანსიშკუ ტრინკაუს გამოსყიდვის ვალდებულება აქვს აღებული და, როგორც ჩანს, "ლომები" ამ ვალდებულების შესრულებას უკვე შეუდგნენ.

Abola-ს ინფორმაციით, "ბლაუგრანამ" უკვე მიიღო 1,5 მილიონი ევრო.

მოგვიანებით, "ლურჯ-ბროწეულისფერთ" კიდევ 5,5 მილიონი ევრო გადაეცემათ.

"სპორტინგმა" ტრინკაუს იჯარაში უკვე გადაიხადა 3 მილიონი ევრო. გავიხსენოთ ისიც, რომ მომდევნო ტრანსფერიდან კატალონიელებს თანხის 50% ერგებათ.

გასულ სეზონში ფრანსიშკუმ 52 მატჩში მიიღო მონაწილოება. პორტუგალიელმა 13 გოლი და 4 საგოლე გადაცემა მიითვალა.