2 წლის და 10 თვის წინ
ასენსიო "ბარსაში" თამაშს ვერ შეძლებდა - რა პუნქტი ედო კონტრაქტში ესპანელს
ავტორი
Aa
როგორც იცით, მადრიდის "რეალის" ყოფილ ფეხბურთელს, მარკო ასენსიოს კატალონიის "ბარსელონასთან" მედიაში ხშირად აკავშირებდნენ.
იწერებოდა, რომ ესპანელი შემტევი კატალონიელთა ერთ-ერთ სამიზნეს წარმოადგენდა.
მიუხედავად ამისა, "ბლაუგრანას" 27 წლის ფეხბურთელისთვის არ გაუბრძოლებია, რის შემდეგაც ის "პარის სენ-ჟერმენის" რიგებს შეუერთდა.
როგორც ჟურნალისტი ფერან მარტინი იტყობინება, "ბარსა" ასენსიოს დამატებას ვერ მოახერხებდა.
საქმე იმაში იყო, რომ მას "ბლანკოსთან" კონტრაქტში ისეთი პუნქტი ედო, რომელიც "ბარსელონაში" გადასვლის საშუალებას არ აძლევდა.
საინტერესო ისაა, რომ მსგავსი პუნქტი ხელშეკრულებაში დანი სებალიოსსაც უდევს, რომელიც "რეალის" რიგებში კიდევ ერთი სეზონით დარჩება.
Facebook კომენტარები
