როგორც მოგეხსენებათ, იანვრის სატრანსფერო ფანჯრის უკანასკნელ დღეს "ბარსელონა" აქტიურად ცდილობს გარემარბის დამატებას.

ESPN-ის ჟურნალისტი სამუელ მარსდენი იუწყება, რომ "ბლაუგრანას" რადარზე "მანჩესტერ იუნაიტედის" შვედი შემტევი, ენტონი ელანგა გამოჩნდა.

"ბარსა" ახალგაზრდა ფეხბურთელის იჯარის წესით დამატებას ეცდება, თუ "ემიუსგან" თანხმობას მიიღებს. ელანგათი დაინტერესებულნი არიან "აიაქსი", "პსვ" და ევროპის სხვა კლუბებიც.

გეტყვით, რომ 20 წლის ფეხბურთელს "წითელ ეშმაკებში" სათამაშო დრო ძალიან იშვიათად ეძლევა. გასული წლის ოქტომბრის შემდეგ, ელანგამ პრემიერ ლიგის მხოლოდ ორი მატჩი დაიწყო ძირითადი შემადგენლობიდან.

გასულ სეზონში ჩატარებულ 37 მატჩში ენტონიმ 8 გოლი და 5 ასისტი მიითვალა, თუმცა მიმდინარე სეზონში მას მეტოქის კარი ერთხელაც არ აუღია.