როგორც მოგეხსენებათ, გასულ სეზონში კატალონიის “ბარსელონას” დანიელი მცველი, ანდრეას კრისტენსენი საკმაოდ საიმედოდ გამოიყურებოდა და ესპანური გუნდის ქომაგებს მოკლე დროში თავი ძალიან შეაყვარა.

გავლენიანი ესპანური სააგენტო Munro Deportivo-ს ცნობით, კრისტენსენი მომავალ სეზონში კატალონიურ გუნდში დარჩება.

ამ წყაროს ცნობით, “ბარსელონას” 27 წლის მცველის გაყიდვა არ უნდა, ამავდროულად არც კრისტენსენს სურს “ბლაუგრანას” დატოვება.

ცნობისთვის, კრისტენსენმა გასულ სეზონში ჩატარებულ 32 შეხვედრაში 1 გოლი გაიტანა და ამავე რაოდენობის საგოლე გადაცემა შეასრულა.