როგორც გამოცემა "Sport"-ი იტყობინება, კატალონიის "ბარსელონამ" მარჯვენა მცველის პოზიციისთვის ახალ ფეხბურთელს მიაგნო.

წყაროს ცნობით, "ბლაუგრანა" ივან ფრესნედას შეძენით დაინტერესდა, რომელიც ამჟამად "ვალიადოლიდის" რიგებში თამაშობს.

გავრცელებული ინფორმაციით, მას შემდეგ, რაც "ვალიადოლიდი" ლა ლიგა 2-ში დაქვეითდა, ესპანელი განაპირა მცველის სატრანსფერო ღირებულება 20 მილიონ ევრომდე დაეცა.

აქვე უნდა აღვნიშნოთ ისიც, რომ 19 წლის მოთამაშის გადაბირებით "ბარსას" გარდა კიდევ რამდენიმე კლუბია დაინტერესებული.

ცნობისთვის, ფრესნედას კლუბთან ამჟამინდელი კონტრაქტი 2025 წლის ზაფხულში უმთავრდება.