logo

"ბეტისი" - "ბარსელონას" მთავარი მსაჯი დაისაჯა

"ბეტისი" - "ბარსელონას" მთავარი მსაჯი დაისაჯა

"ბეტისსა" და "ბარსელონას" შორის გასულ კვირადღეს გამართული მატჩი სკანდალური გამოდგა, რაც მთავარი არბიტრის, სანჩეს მარტინესის შეცდომების დამსახურებაა.

რეფერისადმი პრეტენზიები ჰქონდათ როგორც "ბლაუგრანას", ასევე ანდალუსიური გუნდის ფეხბურთელებსაც.

მარტინესმა აშკარა პენალტი არ დადო იმ ეპიზოდში, როცა ლიონელ მესის მარკ ბარტრა მაისურზე ჩამოეკიდა. გარდა ამისა, თერთმეტმეტრიანის დანიშვნა შეიძლებოდა პირველ ტაიმშიც, როდესაც კლემან ლენგლეს მეტოქემ თავში მოარტყა ფეხი.

სევილიელების აზრით კი მარტინესმა აშკარად დაინდო სერხი რობერტო, როცა ის მეორე ყვითელი ბარათით არ დასაჯა და არ გააძევა.

ამ საჩივრების გამო, ლა ლიგამ მიიღო გადაწყვეტილება, რომ პრიმერას მომდევნო ტურში ახალგაზრდა არბიტრი ვერცერთ შეხვედრას ვერ იმსაჯებს.

5 თვის წინ
5950 / 0
ირაკლი ხასაია
poll გამოკითხვა

უნდა გაუშვან თუ არა კიკე სეტიენი თანამდებობიდან?

კი
არა
სულ პასუხები: 555
loss დანაკლისი
injury

ტრავმები

დემბელე, უმტიტი, გრიზმანი

red_yellow

ყვითელი & წითელი ბარათი

ვიდალი, ბუსკეტსი