სოფიან ამრაბატის წარმომადგენლები თანდათან იმედს კარგავენ, რომ ნახევარმცველი ოდესმე "ბარსელონაში" ითამაშებს, - იუწყება Mundo Deportivo-ს ჟურნალისტი როხერ ტორელო.

აშრაფ ბენ აიდის ინფორმაციით, "ბლაუგრანას" მაროკოელი ფეხბურთელის ტრანსფერის განსახორციელებლად მნიშვნელოვანი არაფერი მოუქმედებია.

Diario SPORT-ი კატალონიური გრანდის პასიურობის მიზეზად სოფიანის ღირებულებას ასახელებს. "ლურჯ-ბროწეულისფრებს" 30 მილიონი ევრო ეძვირებათ.

"ფიორენტინას" შუახაზელს ახლა სხვა კლუბებს სთავაზობენ. გაიჟღერა "ჩელსისა" და "ნიუკასლის" სახელებმა.

როგორც ჩანს, "ბარსას" პრიორიტეტები მარტინ ზუბიმენდი და იოზუა კიმიხი არიან.

გასულ სეზონში ამრაბატმა "იების" მაისური 49 მატჩში მოირგო და 1 ასისტი მიითვალა.