ოფიციალურად დადასტურდა, რომ ჰექტორ ბელერინი ლისაბონის "სპორტინგში" ითამაშებს.

პორტუგალიურ გუნდთან 26 წლის მარჯვენა მცველმა კონტრაქტი სეზონის ბოლომდე გააფორმა.

"ბარსელონას" განცხადების თანახმად, ჰექტორმა კლუბი პერმანენტული ტრანსფერით დატოვა. სატრანსფერო თანხა არ სახელდება, მაგრამ ესპანური გამოცემები ვარაუდობენ, რომ "სპორტინგმა" ესპანელში 1 მილიონი ევრო გადაუხადა.

გარიგებაში ჩაიწერა 2 მილიონი ევროს ბონუსებიც.

ჰექტორი "ბარსას" გასულ ზაფხულს თავისუფალი აგენტის სტატუსით შეუერთდა. "ლურჯ-ბროწეულისფერთა" მაისურით მან 7 მატჩი ჩაატარა და თავი ვერაფრით გამოიჩინა.