როგორც მოგეხსენებათ კატალონიის “ბარსელონამ” დაახლოებით 40 მილიონი ევროს სანაცვლოდ “ატლეტიკო პარანაენსეს” ახალგაზრდა მოთამაშე, ვიტორ როკე დაიმატა.

თვეების წინ კატალონიურ გუნდს “პალმეირასის” გამორჩეულ მოთამაშეს, ენდრიკსაც უკავშირებდნენ.

საბოლოო ჯამში ენდრიკმა მადრიდის “რეალში” თამაშის გადაწყვეტილება მიიღო.

გავლენიანი ესპანური სააგენტო Sport-ის ცნობით, “ბარსელონამ” ვიტორ როკეს შეძენის გადაწყვეტილება იმიტომ მიიღო, რომ მათ ეს მოთამაშე ენდრიკზე უფრო სრულყოფილად მიაჩნდათ.

ასევე, როკე “ბარსელონას” ამავე ზაფხულს შეუერთდება, ენდრიკის შემთხვევაში კი გუნდს 2 სეზონის მოცდა მოუწევდა.

ცნობისთვის, ზემოხსენებული ფეხბურთელები 2  საუკეთესო ბრაზილიელ ტალანტად მიიჩნევიან.