"ბარსელონას" ნიდერლანდელი ნახევარმცველი ფრენკი დე იონგი მიუნხენის "ბაიერნს" დაუკავშირეს.

Sky Germany-ს ჟურნალისტის, ფლორიან პლეტენბერგის ცნობით, 26 წლის ვარსკვლავი "რეკორდმაისტერის" თავკაცმა თომას ტუხელმა მოინიშნა.

წყაროს თანახმად, დე იონგის სიტუაციას ბავარიული გრანდი ყურადღებით აკვირდება, თუმცა კლუბი რაიმე სახის მოქმედებებს ჯერ არ აპირებს.

ფრენკის "ბარსაში" ხელშეუხებლის სტატუსი აქვს, ამიტომ "ლურჯ-ბროწეულისფრებმა", წესით და რიგით, მის თაობაზე მიღებული ყველა შეთავაზება უნდა დაბლოკონ.

ნიდერლანდელს "ბლაუგრანასთან" კონტრაქტი 2026 წლის 30 ივლისამდე აკავშირებს.