"ბარსელონამ" 2022/2023 წლების სეზონი ფანტასტიკურად დახურა!

საქმე იმაში მდგომარეობს, რომ კატალონიელებმა ესპანეთის ჩემპიონატი სპორტის 6 სხვადასხვა სახეობაში მოიგეს!

"ბარსას" მამაკაცთა და ქალთა საფეხბურთო გუნდებმა რომ ლა ლიგის ჩემპიონობა მოიპოვეს, ამის შეხსენება არ გჭირდებათ. ფეხბურთელებმა ამის გაკეთება დიდი უპირატესობით მოახერხეს.

ფეხბურთელების წარმატებას დაემატა "ლურჯ-ბროწეულისფერთა" ტრიუმფი დარბაზის ჰოკეიში, ხელბურთსა და კალათბურთში. კალათბურში ეს განსაკუთრებით ტკბილი გახლდათ იმ ფონზე, რომ ფინალში "ბლაუგრანამ" მადრიდის "რეალს" სერია უშანსოდ, 3:0 მოუგო.

ექვსეული კი "ბარსელონას" ფუტსალის გუნდის ჩემპიონობით შეიკრა.

რა გასაკვირია, რომ მსგავსი რამ ისტორიაში პირველად მოხდა.