როგორც მოგეხსენებათ, კატალონიის “ბარსელონას” ერთ-ერთი საკვანძო ფიგური ნიდერლანდელი ნახევარმცველი, ფრენკი დე იონგი გახლავთ.

გავლენიანი სპორტული სააგენტოს, Bild-ის მიერ გავრცელებული ინფორმაციის თანახმად, ტომას ტუხელმა “ბაიერნის” ხელმძღვანელობას ფრენკი დე იონგის ტრანსფერი მოსთხოვა.

თუმცა “რეკორდმაისტერს” 26 წლის ფეხბურთელის დამატება ძალიან გაუჭირდება. საქმე იმაშია, რომ “ბლაუგრანას” მთავარი მწვრთნელი, ჩავი ერნანდესი დე იონგის ხელშეუხებელად მიიჩნევს.

“ბარსელონას” გეგმებში ფრენკის გაყიდვა არ შედის.

ცნობისთვის, 26 წლის ფეხბურთელმა გასულ სეზონში ჩატარებულ 43 შეხვედრაში 2 გოლი გაიტანა და 4 საგოლე გადაცემა შეასრულა.