ინგლისის პრემიერ ლიგის კლუბები ფერან ტორესით არიან დაინტერესებულნი, - იუწყება ჟერარ რომერო.

ესპანელი ჟურნალისტის ინფორმაციით, 23 წლის თავდამსხმელმა კონკრეტული წინადადებებიც მიიღო, მაგრამ მან ყველა მათგანი უარით გაისტუმრა.

ფერანს "ბარსელონაში" უნდა დარჩენა. სხვა ვარიანტს იგი არც კი განიხილავს.

ახალგაზრდა შემტევს "ლურჯ-ბროწეულისფრებმა" უთხრეს, რომ მომდევნო სეზონში მას მნიშვნელოვნად შეზღუდული სათამაშო დრო შეიძლება ჰქონდეს, თუმცა ამან ტორესს აზრი ვერ შეაცვლევინა.

შეგახსენებთ, რომ გასული სეზონი ფერანმა 7 გოლითა და 3 საგოლე გადაცემით დახურა.

ტორესი კატალონიურმა გრანდმა 2022 წლის იანვარში შეიძინა. "მანჩესტერ სიტიმ" იგი 55 მილიონ ევროდ გაყიდა.