კატარული კლუბი "ბარსელონას"' სეზონში 100 მილიონ ევროს სთავაზობს, - იუწყება Catalunya Radio.

წლიური 100 მილიონი ევროს სანაცვლოდ, კატარელებს უნდათ, რომ მიიღონ უფლება, "ბარსელონას" სახელით ითამაშონ.

რა თქმა უნდა, ეს იმას არ ნიშნავს, რომ კატარული გუნდი პირდაპირ "ბარსას" დაირქმევს. უბრალოდ, მათ სახელში გაჩნდება რაღაც ისეთი, რაც "ლურჯ-ბროწეულისფრებთან" ასოცირებადი იქნება.

სხვათა შორის, მსგავსი რამ "მანჩესტერ სიტის" უკვე გაკეთებული აქვს. "City group-ის" ქვეშ "მუმბაი სიტი" (ინდოეთი), "მელბურნ სიტი" (ავსტრალია), "ნიუ იორკ სიტი" (აშშ) და სხვა კლუბები არსებობენ.

ჯერჯერობით უცნობია, რა პასუხს გასცემს "ბლაუგრანა" ამ წინადადებას.