"ბარსელონა" ორიოლ რომეუზე გადაერთვება, თუ მარსელო ბროზოვიჩის დამატებას ვერ მოახერხებს, - იუწყება Relevo.
ხორვატ ნახევარმცველს "ალ აჰლიში" გადასვლას "ბლაუგრანაში" თამაში ურჩევნია, მაგრამ კატალონიელებს მისი გაფორმება მაინც გაუჭირდებათ. ამის მიზეზი ისაა, რომ ბროზოვიჩს "ინტერთან" კონტრაქტი კიდევ 2 წლით აკავშირებს, მილანელები კი 22 მილიონ ევროს ითხოვენ.
რომეუ კი "ბარსასთვის" ნაცნობი ფიგურაა. ესპანელი ნახევარმცველი "ლა მასიას" აღზრდილია. კატალონიის დატოვების შემდეგ მან ისეთ კლუბებში ითამაშა, როგორებიც "ჩელსი" და "საუთჰემპტონი" არიან.
31 წლის ფეხბურთელი ახლა "ჟირონას" წევრია. მისი შეძენა 5-10 მილიონ ევროდ იქნება შესაძლებელი.
დაცვითი ტიპის ნახევარმცველებს შორის, "ბარსას" დანი პარეხოსაც უკავშირებდნენ, მაგრამ "ვილიარეალის" ფეხბურთელისადმი კლუბის ინტერესი საგრძნობლად შენელდა.
გასულ სეზონში რომეუმ 36 მატჩში მიიღო მონაწილეობა და 2 გოლი გაიტანა.
