დღეს გამოქვეყნდა "ბარსელონას" ლეგენდის, ლიონელ მესის მიერ Diario OLE-სთან ჩაწერილი ინტერვიუს მეორე ნაწილი.

35 წლის არგენტინელმა ბარსელონაში დაბრუნების სურვილი გამოთქვა, თუმცა ეს არა საფეხბურთო კლუბს, არამედ ქალაქს ეხება.

"ვფიქრობ, როცა კარიერას დავასრულებ, საცხოვრებლად ბარსელონაში დავბრუნდებით.

ბარსელონა ჩემი სახლია," - განაცხადა "ლა პულგამ".

პრესაში ადრეც ვრცელდებოდა ცნობები, რომ მესის ოჯახი პარიზში ცხოვრებას ვერ შეეგუა და მათ ბარსელონა ენატრებოდათ. ცვლილება განსაკუთრებით მტკივნეულად ლეოს შვილებმა მიიღეს.

რაც შეეხება "ბლაუგრანაში" დაბრუნებას, ოქროს ბურთის შვიდგზის მფლობელი ამის თაობაზე კვლავ დუმს. არგენტინელის მომავალი მომდევნო თვეებში უნდა გაირკვეს.