"ბარსელონა" ინიგო მარტინესის ტრანსფერს მომდევნო კვირაში დაადასტურებს, - იუწყება ჟერარ რომერო.

პირველ ივლისს ბასკ მცველს ბილბაოს "ატლეტიკთან" კონტრაქტის ვადა გაუვიდა, რაც იმას ნიშნავს, რომ იგი ახლა თავისუფალი აგენტია და ნებისმიერ მომენტში შეუძლია ახალ გუნდში გადაბარგება.

"ბარსას" აღარაფერი უშლის ხელს, რათა 31 წლის უკანახაზელის ტრანსფერი გააოფიციალუროს.

ესპანურ პრესაში გავრცელებული ინფორმაციის თანახმად, ინიგოს სამედიცინო შემოწმება უკვე გავლილი აქვს.

მარტინესმა "ლურჯ-ბროწეულისფრებთან" 2-წლიანი ხელშეკრულება გააფორმა. სეზონში ის 5-6 მილიონ ევროს გამოიმუშავებს.