"ბარსელონა" არდა გიულერს ტრანსფერზე შეუთანხმდა, - იუწყება თურქული Ajansspor-ი.

კატალონიური გრანდი სტამბოლის "ფენერბახჩეს" 20-25 მილიონ ევროს, ორ ნაწილად გადაუხდის.

კონტრაქტში ჩადებულია 3 მნიშვნელოვანი პირობა:

- "ბარსელონა" იძლევა გარანტიას, რომ 18 წლის ფეხბურთელი პირველი გუნდის მინიმუმ 20 მატჩში მიიღებს მონაწილეობას.

- არდა "ფენერბახჩეში" 2023/2024 წლების სეზონის ბოლომდე დარჩება.

- მომდევნო სეზონში გიულერის ხელფასს "ბარსა" გადაიხდის.

როგორც ჩანს, "ლურჯ-ბროწეულისფრებმა" იციან, რომ უნიჭიერეს ნახევარმცველს ახლა ვერ დაარეგისტრირებენ, ამიტომ მისი ამჟამინდელ გუნდში კიდევ 1 სეზონით დატოვება გადაწყდა.

ცნობისათვის, გასულ სეზონში არდამ სტამბოლელთა მაისურით ჩატარებულ მატჩებში 6 გოლი და 7 ასისტი მიითვალა.