ჩავიმ ჟიულ კუნდეს აზრი შეაცვლევინა, - იუწყება სიკე როდრიგრესი.

ჟურნალისტის ინფორმაციით, "ბარსელონას" მთავარმა მწვრთნელმა ფრანგი ფეხბურთელი დაარწმუნა იმაში, რომ მომდევნო სეზონშიც მარჯვენა მცველად ითამაშოს.

ჟიული დაცვის ცენტრში თავს გაცილებით კომფორტულად გრძნობს და ეს აქამდე არაერთხელ დადასტურებულა. ესპანური გამოცემები იმასაც იუწყებოდნენ, რომ სხვა პოზიციაზე თამაში კუნდეს გუნდის შეცვლაზეც აფიქრებდა, თუმცა აღნიშნული ცნობა თავად ფრანგმა უარყო.

როგორც ჩანს, "ბარსას" მიმდინარე ზაფხულის სატრანსფერო ფანჯარაზე მარჯვენა მცველის დამატება ძალიან გაუჭირდება, რაც ჩავის აიძულებს, კვლავ ნაცნობ ხერხს მიმართოს.

შეგახსენებთ, რომ მაშინ, როცა კუნდე დაცვის ფლანგზე დგას, რონალდ არაუხოს ცენტრში ანდრეას კრისტენსენი უწყვილდება ხოლმე.