რამდენიმე წყარო ერთდროულად ადასტურებს, რომ "ბარსელონამ" "ატლეტიკო პარანაენსეს" 18 წლის თავდამსხმელის, ვიტორ როკეს ტრანსფერი დახურა.

ბრაზილიელ სუპერტალანტში "ბლაუგრანა" 35 მილიონ ევროს გადაიხდის, ბონუსები კი 10 მილიონი ევროს ღირებულების იქნება.

Mundo Deportivo-ს ჟურნალისტ როხერ ტორელოს ინფორმაციით, გარიგებაში ჩაიდო ოქროს ბურთის პუნქტიც. თუ ბრაზილიელი მომავალში ოქროს ბურთს მოიგებს, აღნიშნული ბონუსი გააქტიურდება. "ბარსას' თანხის გადახდა მოუწევს ვიტორის მიერ აღნიშნული ჯილდოს სამეულში შესვლის შემთხვევაშიც.

ტორელო წერს, რომ ტრანსფერი აღნიშნულ კვირაში დადასტურდება.

ცნობისთვის, 2023 წელს როკეს 20 გოლი აქვს გატანილი.