"ბარსელონა" "რეალ ვალიადოლიდიდან" ივან ფრესნედას ტრანსფერს ხურავს, - იუწყება ESPN.

"ლურჯ-ბროწეულისფერნი" ესპანელ მარჯვენა მცველს 5-წლიან კონტრაქტს სთავაზობენ და იმედოვნებენ, რომ "ვალიადოლიდთან" შეთანხმებას მალე მიაღწევენ. "ბლაუგრანაში" არსებული რწმენით, 18 წლის ფეხბურთელის გადაბირება 10 მილიონი ევრო დაჯდება.

წყაროს თანახმად, ფრესნედას კატალონიური გრანდისკენ მიმავალი გზა შეიძლება სერჟინიო დესტის გაყიდვამ გაუხსნას.

ივანის მომავალზე დაწერა Mundo Deportivo-მაც.

ესპანური გამოცემის მიხედვით, "თეთრ-იისფერთა" ფლანგელს თავისი ახალი კლუბის რაც შეიძლება მალე გარკვევა უნდა. არსებული ვარიანტებიდან, ყველაზე მეტად მას სწორედ "ბარსელონა" ხიბლავს.

გასულ სეზონში ფრესნედამ 34 მატჩში მიიღო მონაწილეობა.